Vdekja e adoleshentes në Fier, prindërit kërkonin me ngulm autopsinë

23:42 | 7 Prill 2017
Trina Galanxhi

Megjithëse ende nuk ka ende një deklaratë zyrtare rreth shkakut të vdekjes së 17-vjeçares Ana Rina në tualetin e shkollës profesionale në Fier, paraprakisht, policia dyshoi në një helmim të mundshëm, ose problem shëndetësor.
Kjo e fundit bazohet në faktin se nxënësja është paraqitur rreth 1 javë më parë në spitalin e Fierit, ku është ankuar për dobësi të përgjithshme trupore, shkruan “Panorama”.

Gjithashtu, sipas hetimeve, ajo ka pasur edhe temperaturë, por mjekët e kanë përcjellë duke i thënë se është virozë dhe e kanë këshilluar të pijë lëngje.

Familjarët e 17- vjeçares janë marrë në pyetje, nga ku mësohet se kanë deklaruar se vajza e tyre nuk ka pasur probleme, përveç një viroze të lehtë.

Ata kanë qenë mjaft të tensionuar mbrëmë dhe kanë kërkuar me ngulm të kryhej autopsia sa më parë, në mënyrë që të kenë një përgjigje se cili ishte motivi i kësaj tragjedie për familjen e tyre.

Shpërndaje në rrjete sociale

Lajmet më të lexuara

Të ngjashme

Foto lajm